يعتبر جوجل درايف خدمة مجانية رائعه لكن مساحة تخزينه محددة ( 15 جيجا ) ، واذا بتلاحظي انه حسابك بسرعة بيعطيكي انه ممتلئ ، ويمكن هذا بسبب الملفات المخفية المعزولة اللي ما بنستخدمها .
شو هو الملف المعزول Orphaned
تم وضع الملف المعزول في الاساس بمجلد بمكان معين ، هاي الملفات اللي بتعتقد انك حذفتها ولكنها لسه موجودة ومخزنة على الحساب ، عادة بيكون ملف ضفته لمجلد بحساب شخص ثاني ، ولكن انحذف المجلد وبقي الملف المعزول على حسابك .
ما بيظهر بالقائمة القياسية لملفات جوجل درايف لكنه لسة بيشغل مساحة على حسابك .
ما في لجوجل طريقة مباشرة للتخلص من من هاي الملفات ولكن في خدعة (Workspace) ممكن نستخدمها لنشيل معظمها .
كيف نتخلص من الملفات المعزولة ؟؟؟
1- نروح لجوجل درايف الخاص بحسابنا
2- بنكتب بخانة البحث ( is:unorganized owner:me )
3- راح تظهر قائمة بالملفات المعزولة ( اذا كان في ملف معزول على جوجل درايف الخاص فيك ) بنتخلص من هاي الملفات
4- اذا كان بدك تحذف هاي الملفات حتى تستعيد مساحة التخزين ف لازم تتوجه لسلة المهملات حتى تحذف هاي الملفات بشكل تام .