تيك توك هو منصة لتداول وإنشاء مقاطع فيديو قصيرة في مختلف المواضيع، ويستخدم عادة من طرف الأطفال والشباب خاطر فيه برشا مزايا ترفيهية تسمح بمشاركة مقاطع فيديو بين المستخدمين والمشاهدين. ومن أبرز المخاطر المصاحبة للتطبيق هذا، عدم احتوائو على خاصية العمل مع تطبيقات المصادقة الثنائية (Authy, google authenticator) الي تمكن من تفعيل التحقق بخطوتين كيف نسجلو الدخول.
اهم مخاطر استعمال تطبيق تيك توك:
- التعرض لمحتوى غير لائق
- التواصل مع الغرباء ( في حالة كان المستخدم تحت السن القانوني)
- سهولة التعرض للتنمر والابتزاز الالكتروني
- حصول التطبيق على بيانات المستخدم الخاصة (الاسم، العمر، IP، المكان..) واستخدامها في الدعايات ..
*الخطوات:
امشي للحساب الخاص بالمستخدم ومنبعد انزل على الإعدادات في الكوان.
- في قائمة تسجيل الدخول والأمان Security and login، تنجمو تعملو:
- تفعيل تحذيرات الأمان Security alerts، تنبّهكم إذا كان تمّ تسجيل الدخول لحسابكم من جهاز آخر. تنجمو تفعلو الخاصيّة هاذي كيف تنزلو على تحذيرات الأمان Security alerts ← تفعيل Activate
- إدارة الأجهزة التي تمّ من خلالها تسجيل الدخول للحساب، كيف تنزل على إدارة الأجهزة Manage devices، تنجم تطلعو على الأجهزة الي خدم عليها حسابكم
- تفعيل خاصيّة التحقّق بخطوتين عن طريق إرسال الرمز إلى البريد الإلكتروني وإلا لنومرو التاليفون عن طريق رسائل SMS. توفّر الخاصيّة هاذي طبقة حماية إضافيّة للتأكّد من هويّة صاحب الحساب
- تعطيل خاصيّة حفظ بيانات تسجيل الدخول الخاصّة بيكم، بحيث ينصح باستخدام خدمة حفظ وإدارة كلمات المرور في بلاصة حفظ هذه البيانات على التطبيق بيدو
- انجمو نضبطوإعدادات الخصوصيّة كيف ننزلو على الخصوصيّة Privacy:
- نردو الحساب خاص Private account، هاذي الميزة تسمح كان للأشخاص الي توافقوعليهم باش يتفاعلومع المحتوى الي تنشروه
- اقتراح حسابي للآخرين Suggest your account to others، تعطيل الخاصيّة هاذي توقف اقتراح حسابكم للخرين مما يقلّل احتمالية وصول حسابكم إلى مستخدمين الي ينجمو يسيئولكم أو قراصنة قد يعرّضوا سلامتكم الرقميّة للخطر
- في الليستة بيدها، تنجمو تمشيو إلى قسم السلامة Safety، تنجمو تعطلو كل من هذه الميّزات كيف تنزلو على أنا فقط Only me أوإلا تختارو السماح للأصدقاء فقط Friends باش يعملو:
- السماح للمستخدمين بتحميل الفيديوهات الخاصّة بينا على أجهزتهم Allow your videos to be downloaded
- من يستطيع مراسلتكم Who can send you direct messages
- من يستطيع نشر ثنائي معكم Who can Duet with your videos، والي تسمح للمستخدمين الاخرين بدمج الفيديو الخاص بيكم مع الفيديو الخاص بيهم، فتستخدم الميّزة هاذي عادة لتصوير ردّات الفعل وما إلى ذلك
- من يستطيع التعاون معي Who can Stitch with your videos، وهي ميّزة تشبه Duet تسمح للمستخدمين باش يتعاونو عن طريق دمج الفيديوهات وإعادة نشرها
- من يستطيع رؤية الفيديوهات التي أظهرتم إعجابكم بها Who can view your liked videos
- من يستطيع وضع تعليقات على محتواكم Who can comment on your videos
- كيف تنزل على Comment filters تخرج ليستة تعاونا على:
- الموافقة على التعليقات قبل إظهارها Filter all comments، الي تعاونا على مراجعة التعليقات قبل ماتظهر على المنشور الخاص بينا
- مراجعة التعليقات المزعجة أو المسيئة Filter spam and offensive comments، هذه الخاصيّة تتعرّف على التعليقات الغير لائقة وتخبيهم حتّى تفسخوهم وإلا توافقوعليهم
- أمّا عن طريق ميزة الكلمات المفتاحيّة Filter keywords، فانجمو نزيو كلمة أو برشا كلمات مانحبوش نشوفوها في التعليقات، كيف يذكر حد فيكم وحدة مالكلمات هاذي في التعليقات، التعليق باش يتخبى حتى لين توافقوعليه