تفسيخ أو مسح البيانات ماهوش ساهل و مايصيرش مباشرة كيما أحنا نتصورو. كيف ننزلو على “حذف” أو نقل ملف الى سلة المهملات Corbeille (لمستعملي ويندوز) أو الحاوية (لمستعملي أپل)، مايصيرش التخلص مالملف هاذاكا طول. الملف الي فسخناه يقعد على الجهاز حتى لين نظام التشغيل يحتاج المساحة espace الي يستعمل فيها الملف هذاكا ويبدلها ببيانات جديدة. وفي الوقت هذاكا، الملف المحذوف يقعد على الجهاز ويكون بمقدور الي يعرف الخطوات أنو ايرجعهم.
فما أدوات خاصة انجمو نستعملوها باش نفسخو البيانات من الأجهزة، بما معناه، نحذفوها ونستبدلوها ببيانات ثنائية أخرى متكونة من خلطة عشوائية من الآحاد والأصفار. وهنا تنجمو اتبعو التوجيهات باش اتليشارجيو وتستعملو برنامج BleachBit، وهو عبارة على أداة مجانية تقوم بمسح أو فسخ البيانات من قرصك الصلب disque dur بشكل آمن ودائم.
للأسف، إذا كنتو تستعملو أجهزة الأقراص الصلبة disque dur (SSD)، موش مالممكن فسخ كل البيانات مالأقراص بطريقة آمنة ودورية. والي باش ايصعب عملية استرجاع البيانات والحل يكون في تشفير الأجهزة هاذي.
كيفاش نبداو باستعمال BleachBit
- نتيليشارجيو BleachBit مباشرة من https://www.bleachbit.org/
- نثبتوBleachBit
- نحلو BleachBit ونختارو البيانات التي نحبو البرنامج يفسخهها ديما بشكل آمن.
ملاحظة: كيف نفسخو ذاكرة المتصفح الوقتية انجمو نختارو بعض أو كل المتصفحات على جهازنا. أما راهو تفسيخ الملفات الوقتية هاذي والي موجودة على الانترنت باش يسجلنا خارج مواقع الواب والحسابات المحلولة في المتصفح هاذاكا. لذا مالممارسات المنصوح بيها أنو نحفظو كلمات السر، المسجلة في المتصفحات هاذي، في مدير كلمة السر قبل مانفسخوها.
بعد مانختارو كل الخيارات ننزلو على “تنظيف”.