العديد مالمستخدمين ، خاصة النساء يتعرضو لحالات عنف لفظي، ابتزاز وإلا محاولات تشهير على مختلف منصات التواصل الاجتماعي. في الدهذا باش نقولو كيفياش إنبلغو على الحسابات وإلا الأنشطة الي موش مقبولة في منصّة فيسبوك Facebook، انستغرام Instagram، واتس اب WhatsApp ويوتيوب YouTube.
وقتاش يلزمنا إنبلغو على حساب مخالف؟
برشا مهاجمين يستعملو في حسابات وهميّة باش يخبيوء هوياتهم ويخدعو الناس، نجمو نتعرفو على النوع هذا مالحسابات عن طريق ملاحظة شوية خصائص فيها، مثال ينجم يحتوي الحساب الوهمي على عدد قليل من المنشورات، التصاور وإلا الاصدقاء، كيما مالمحتمل أنّو يكون تعمل منذ فترة قصيرة. وإذا تواصل معاكم أي حساب من هذا النوع وطلب منكم أي بيانات، يلزم تبلغو عليه طول.
وزيد على ذلك، ينجمو بعض الأفراد في مواقع التواصل الإجتماعي ينتهكو خصوصيّة الاخرين، مثال ينشرو تصاور فيها وجوه ناس من غير ما يوافقو على نشرها. كيف كيف ينجمو بعض المستخدمين يتعرّضو للتشهير وإلا الابتزاز بعد ما يلمو عليهم معلومات وإلا تصاور عليهم والي عادة يكون معظمهم مالنساء. وزيد على ذلك، بعض منهم يهددو الناس وإلا ينشرو محتوى موش لائق وإلا محتوى يحث على العنف والكراهية بشكلٍ عام.