قبل مانشوفو خطوات حماية أولادنا على منصّة يوتيوب YouTube، يلزمنا نفهمو المخاطر الي ينجمو يتعرّضولها الصغار على المنصّة هاذي. أهم المخاطر على YouTube هي مشاهدة مقاطع الفيديو الغير أخلاقيّة وإلا التذي تروّج لمحتوى غير مناسبٍ لعمر أولادنا. مثاًل، فما برشا تحديات خطيرة يعملها صانعي المحتوى، فهوما يشجعو متابعيهم باش يعملوها، علماً وأنو برشا مالتحديات تشكّل خطر على سلامة أولادنا. زادة ينجمو أولادنا يتواصلو مع مستخدمين آخرين على المنصّة عن طريق التعليقات أو غيرها، ولي ينجم يهزنا لاحتمال تعرّض أولادنا للتنمّر الإلكتروني، الاستغلال أو خطاب الكراهية.
يوتيوب YouTube تقدم منصّة خاصّة بالصغار تتسمّى يوتيوب للأطفال YouTube Kids، وتعتبر المنصّة أكثر أماناً لأولادنا، حيث ماتسمحش لصانعي المحتوى بنشر أي فيديوهات غير لائقة وإلا تنجم تسبّب خطر على أولادنا. ننصحو الوالدين باش يشجيعو أولادهم باش يتفرجو على محتوى YouTube Kids في عوض المنصّة الرئيسيّة، ولكان حبو الصغا يتفرجو على يوتيوب YouTube، تنجمو اتّبعو الخطوات الج باش تنقصو من خطر التنمّر الإلكتروني وغيرو على منصّة YouTube:
الخطوات :
1- نحرصو على تشجيع أولادنا على الاشتراك بالقنوات المفيدة ليهم، والتي ما تروّجش لمحتوى غير لائق أو محتوى يهدد سلامة الصغار
2- تنجمو تثبتو من صانعي المحتوى الي يتابعو فيهم أولادكم، تمشيو لصفحاتهم على مواقع التواصل الاجتماعي وتتعرفو على المجتمعات الي ينتميولها، ينصحو باشا تبعو صانعي المحتوى المناسبين للعائلة والمايستعملش كلمات بذيئة
3- نذكرو إلى مستخدمي منصّة Youtube يسجّلو الدخول عليها عن طريق حساب قوقل Google، لذا ماذابينا نختارو كلمة سرّ قويّة للحساب، كيما تنجمو تطّلعو على هذا الدليل باش تضبطو إعدادات الخصوصيّة في قوقل
4- كيف تتصفّح يوتيوب Youtube، يخرج على الشريط الي على جنب مقاطع فيديو مقترحة من قبل يوتيوب، تعتمد الاقتراحات هاذي على اهتمامات المشاهدين، ولكن ساعات يتم اقتراح محتوى ينجم يشوفو البعض غير ملائم، في الحالة هاذي، تنجمو تنزلو على الفيديو المقترح، تنزلو على خيارات الفيديو ← ثم على غير مهتم Not interested، علماً وأنّو الاشتراك بالقنوات المفيدة يقلل مالاقتراحات العشوائية للفيديوهات
5- تنجمو تفعلو الوضع الآمن restricted mode، والي بدورو يحجب مكثر الفيديوهات الي تروّج لمحتوى غير مناسب للأطفال ولكن موش بشكلٍ كلّي. يمكن تفعيل الميّزة عن طريق:
- ادخل لحسابك على يوتيوب
- انزل على صورة الحساب
- اختار الإعدادات settings
- اختار عام General
- اختار تفعيل restricted mode
6- يوفر وضع الأمان في YouTube الميزات التالية:
- يخبي مقاطع الفيديو الي تنجم تحتوي على مواد مرفوضة
- يخبي التعليقات على مقاطع الفيديو إلا إذا اخترت إظهار التعليقات
- يستبدل معظم اللغات غير اللائقة في التعليقات بالنجوم
7- إذا كانو أولادنا يحبو يحكو مقاطع فيديو خاصّة بهم ويشاركوها مع أصدقائهم، تنجمو تختارو رفع مقطع فيديو بشكلٍ خاص Private، بعد هذاكا تنجم تنسخ رابط الفيديو وتبعثو للي تحب تشاركهم المحتوى.
8- إذا عرضك محتوى يتوجّه للقصر وفيه مواضيع جنسية وإلا مشاهد عنف وإلا مواضيع فاحشة أو غير ذلك من المواضيع غير المناسبة للصغار , فيُرجى الإبلاغ عنو.
نصائح حول استعمالم YouTube للوالدين:
- احكي ديما مع أولادك على أنشطتهم المتصلة وغير المتصلة بالإنترنت واعرف وين وكيفاش ينجمو يلقاو المساعدة كيف يشوفو حاجة تقلقهم.
- هل ولدك عندو قناة يوتيوب؟ إذا كانت الإجابة أي ، هل شفت مقاطع الفيديو الخاصة بيهم؟ هل تعرف شنوة ينشرو؟
- تفرج واستمتع ببرامج YouTube مع ولدك وعاونو باش يفهم المواضيع الي ماينجموش يفهموها وقيس المحتوى الي ينجم يكون مفيد ليهم بشكل عام .
- جرّب تطبيق YouTube Kids إذا كان عندك أولاد أقل من 13 عام.
- يعتبر Google Family Link باهي برشا للاستعمالم في أدوات الرقابة الأبوية لخرى.
- استعمل البحث الآمن من Google الي يقوم بتصفية نتائج البحث غير الملائمة.
- الإبلاغ على أي محتوى ضار.