تنتشر شبكات الانترنت بشكل كبير في الأماكن العامة, وبعض الشبكات هاذي تكون مفتوحة يعني من غير كلمة سر, وبالتالي يكون استخدامها مجانا , ولكن هل استعمال الشبكات هاذي والوصول ليها من خلال أجهزتنا ما تشكلش خطرعلى خصوصيتنا؟؟
بكل تأكيد استخدام الشبكات هاذي المفتوحة يشكل خطر كبير على خصوصيتنا، معلوماتنا، وأجهزتنا زادة، فمالممكن أنو المخترقون يخترقو اجهزتنا باستعمال الشبكات المفتوحة هاذي, وملممكن زادة أنو برامج خبيثة تتسلل لأجهزتنا . فماهناك خطوات كيف نتبعوها انجمو نستعملو النوع هذا مالشبكات بشكل آمن.
الخطوات:
- ماننصحوش باستعمال الشبكات المفتوحة غير الآمنة إذا كان فما بديل آمن
- في حال استعمال الشبكات العامة والمفتوحة يلزم تستعمل وتخدم VPN الشبكة الافتراضية الخاصة الي تؤمنلك الاتصال الآمن بالانترنت.
- ماتعملش حاجات حساسة كيف تستعمل الشبكات المفتوحة كيما عمليات الدفع ,وإلا العمليات الي عندها علاقة بحساباتك المصرفية وإلا التسوق عبر الانترنت
- ماتخليش جهازك وإلا تاليفونك في الأماكن العامة حتى للحظات من غير مراقبة
- ماتدخلش لمواقع إلكترونية موش آمنة وماتبداش بالبرتوكول https, لذا استعمل Https Everywhere, الي تؤمنلك اتصال مشفر وآمن بالإنترنت
- ماتنزلش على روابط تنجم تكون مريبة وإلا مجهولة المصدر خاطر تنجم يكون فيها على برامج خبيثة
- ماتهبطش ملفات من مصادر غير موثوقة, وكان تلزيت أنك تهبط ملفات يلزمك تفحص روابط الملفات هاذي قبل من خلال موقع https://www.virustotal.com/ar باش تتأكد من سلامتها
- يلزم استعمال برنامج مضاد الفيروسات وتشغيله دايما كيف تستخدم الانترنت المفتوح