السلامة الرقمية باللهجة التونسية/ المسح العميق للصور و الفيديوهات من الكمبيوتر/ اللابتوب بإستخدام BleachBit

يبالك لي كي تفسخ حاجة مش معناها تنحات ؟ 

كي تنزل على “supprimer” ولا تهز حاجة للcorbeille مش معناها تخلصت منها وكملت ، التصويرة ولا الملف تقعد في الجهاز متاعك لمدة معينة وفي الوقت إذاك فما طرق وخطوات كان عبد يعرفها ينجم يسترجع الملفات هذي .

هاذاك علاش اليوم بش نتعرفوا على طريقة مسح عميق وكلي تخليك تتخلص مالحاجات لي فسختهم فرد مرة من خلال application اسمها”bleach bit” تقولش عليك عملت ضربة javel لتليفونك و نظفت لي تحب تنحيه لكل .

المراحل ساهلة: 

اول حاجة تصب  BleachBit من الموقع الرسمي  https://www.bleachbit.org/

ثانيا بعد ما تكمل تصب ، تحل Bleachbit وتختار الحاجات لي تحب تنحيهم مالجهاز متاعك

واخيراً إنزل على تنظيف بش تتخلص مالمعطيات هذي بطريقة امنة ودائمة