السلامة الرقمية باللهجة التونسية/ التخزين في جوجل درايف google drive

جوجل درايف هي خدمة تخزين عالcloud اللي تعطيها شركة جوجل مع خدماتها الأخرى كيف gmail و hangouts 

 

الخدمة  تعطيك الإمكانية بش تخزن الملفات و المجلدات على serveurs  متع Google و تنجم توصللها وقت تستحقها على الإنترنت ولا بapplication على التليفون 

 

كيما زادا تخليك تبارتاجيها مع مستخدمين أخرين و تخليك تختار برشا خيارات كي تشاركها 

 

Google drive تخدم على نموذج freemium التحجاري و تعطي للمستخدمين مساحة مجانية تنجم توصل ل 15gb و تنجم تزيد abonnement و تاخو مساحة أكثر . يازم نبهو الي جوجل عندها الحق تشوف الملفات و الايميل بش توجه الإعلانات المناسبة لكل مستخدم حسب ملفه الشخصي اللي عند شركة جوجل . و الي تصنعه حسب سعودة ايميلات ، شنية في العادة تشوف ولا تفكرس شعندك في Google drive و غير هذاكا .

اللي تنجم تعمله بGoogle drive :

  • تحط ملفات على cloud مربوطين بالcompte Google متاعك تنجم توصللهم من أي بلاصة كي تستعمل الانترنت.
  • تعمل des documents فيهم نص ولا جداول و présentations تشبه الي تنجم تعملها بMicrosoft office اما موجودة كان على السحابة متع google drive. تنجم تشوفها كيف ما تنجم تبدلها 
  • تبارتيجي الملفات و المجلدات و تخزنها على google drive و تتحكم شكون ينجم يوصل للملفات 
  • تعطي الملكية لمستخدمين اخرين متع google
  • تشارك الملفات و المجلدات مع عباد اخرين (مش لازم يسجلو على غوغل) بش يشوفها ولا يبدلوها

كيفاش تقيد ؟ 

  • تدخل للإنترنت 
  • تعمل compte gmail 
  • تاخو مساحة تخزينية فيها 5 gb
  • تشارك و تعدل الملفات بشكل جماعي 
  • تخدم مع خدمات جوجل الأخرى كيف google plus و جيميل 
  • تنجم تشري مساحة تخزينية إضافية من عند google
  • كي تسجل في google drive يازم يكون عندك حساب إيميل من gmail

كان معندكش اعمل compte gmailو امشي ل drive.google.com

يتكاملو الخدمات معناها كي تمشي للبريد الالكتروني متاعك بش توصل لgoogle drive تلقائيا

 

ديما في أي compte يازم عندك كلمة سر قوية و التحقق بخطوتين بش تحمي حسابك

 

كي تشارك أي ملف اسمك و البريد الالكتروني يظهروا و هذا ينجم يعرضك للخطر في بلاد مافيهاش برشا حريات