#تحذير_هام .. الى جميع مستخدمي الواتساب whatsapp خبر صادر عن وحدة مكافحة الجرائم الإلكترونية
يوفر تطبيق واتساب خاصية تفعيل حساب الواتساب على الاجهزة الاخرى من خلال السماح بتفعيله من خلال تصوير كود الحساب من المستخدم صاحب الحساب.
وفي التحديث الاخير للتطبيق سمح بتفعيل الحساب على اكثر من جهاز ، وعلى الاكثر اربعة اجهزة ، وبشكل مستقل عن الحساب الاصلي وبدون الحاجة لاتصال الجهاز الاصلي بالانترنت او انه يكون فعال..
“نحذر المواطنين من مشاركة حساب الواتساب على اجهزة اخرى بدون حاجة واضحة ، و فصل ارتباط الحساب فورا بعد قضاء الحاجة منه، حتى نحافظ على خصوصيتنا ونحمي انفسنا من اي انتهاك او اختراق للمحادثات او الصور او امكانية انتحال للشخصية”
بيعتبر تطبيق واتس آب WhatsApp هدف ثمين للمخترقين وأجهزة الرقابة كونه من أكثر التطبيقات شعبيةً في المنطقة، مشان هيك، كثيرة هي المخاطر المرتبطة باستخدامه. فيفضل تجنب إستخدام هاد التطبيق لمناقشة المواضيع الحساسة.
نصيحة فريق سلامات، تفعيل خاصية التحقق بخطوتين على تطبيق الواتساب، حتى نضمن عدم فتح اي شخص غير مرغوب به للحساب..
بس في حال اضطرارك لاستخدام واتساب للتواصل، لازم تنتبه لمجموعة من الأساسيات للتقليل من هذه المخاطر.
ومن أهمها تفعيل ميزة التحقق بخطوتين: عملية التحقق بخطوتين خاصية هي عملية غير إلزامية بتزيد من امان حسابك. لما تفعل خاصية التحقق بخطوتين بتصير لازم لما بدك تفعل رقمك في واتساب، تدخل رقم التعريف السداسي اللي أنشأته أنت لما فعلت هاي الخاصية.
الخطوات:
مشان تفعلوا ميزة التحقق بخطوتين اعملوا الخطوات التالية:
- من تطبيق واتس أب WhatsApp ادخلوا للحساب Account
- اضغطوا على الثلاث نقاط الموجودة اعلى يمين الشاشة واختاروا الاعدادات Settings
- بعدين اختاروا ACCOUNT
- بعدها اختاروا التحقق بخطوتين TWO STEP VERIFICATION
- بعدين بتفعلوا هاي الخاصية enable
- اختاروا رمز من 6 أرقام بتقدروا تحفظوه و بعدها اكتبوه بالمكان المخصص
- ارجعوا اكتبوا الرمز كمان مرة.
- قوموا بإدخال عنوان إيميل صحيح لاسترجاع الحساب في حال نسيان الرمز
ملحوظة:
سيجنال أو جتسي همه بدائل أفضل لواتسآب كونه هاي التطبيقات بتتمتع بميزة التدمير الذاتي للرسائل. وكونها بتقدم ميزة المكالمات (صوت وصورة) المشفرة، بالإضافة إلى أنه الشركات اللي بتدير هاي التطبيقات ما بتحتفظ بمعلومات اضافية عن المشتركين. و الها سمعة جيدة في الحفاظ على خصوصية المستخدم